Qazaqstan Respýblıkasy Ulttyq akademıalyq kitaphanasynyń balalar ádebıeti zalynda «Ulan» respýblıkalyq balalar men jasóspirimder gazetiniń qurylǵanyna 95 jyl tolýyna oraı kórme uıymdastyryldy, dep habarlaıdy aqshamnews.kz.
Kórmeniń maqsaty – gazettiń tarıhı murasyn nasıhattaý, 95 jyldyq jolyn kórsetip, onyń qazaq balalar jýrnalısıkasyndaǵy rólin aıqyndaý. Jas oqyrmandy aqparatpen tanystyrý, gazettiń burynǵy jáne qazirgi nómirlerin usyný arqyly balalar men jasóspirimderdiń oqýǵa degen qyzyǵýshylyǵyn arttyrý.
«Ulan» gazeti 1929 jyly alǵash ret jaryq kórgennen beri, óz oqyrmandarynyń senimdi dosyna aınaldy.
Gazet bir ǵasyrǵa jýyq ýaqyt boıy balalarǵa aqparat berip qana qoımaı, jas urpaqty bilimge qushtar etýge, olardyń sanasyna ulttyq qundylyqtardy sińirýge úles qosyp keledi.