Sport jáne dene shynyqtyrý isteri komıteti tóraǵasynyń orynbasary Aıgúl Bektenova ortalyq komýnıkasıalar qyzmetinde ótken brıfıńide Astanadaǵy Azıa chempıonatynda Qazaqstan balýandaryna qandaı mindet júktelip otyrǵany týraly suraqqa jaýap berdi, dep habarlaıdy Almaty-akshamy.kz QazAqparatqa silteme jsap.
«Kez kelgen sportshy Olımp shyńyn baǵyndyram, júldeli oryn alam dep daıyndalady. Biraq, tuǵyrda úsh oryn ǵana bar. Alaıda, kúres túrlerinen 4 oryn bar (eki úshinshi oryn – red.). Árqaısysy barynsha kúsh-jigerin salyp, el namysyn abyroımen qorǵap shyǵady dep oılaımyz», - degen komıtet ókili eshbir balýannyń atyn naqty atamady.
Onyń paıymynsha, qazir balýandardyń negizgi nazary kúzde Serbıa astanasynda ótetin jarysqa aýyp otyr.
«Bul Azıa chempıonatynyń aldynda ár kúres túrinen eki kezeńnen turatyn jattyǵý jıyndary ótkizildi. Sonymen qatar, Álem chempıonatyna da daıyndyq qarqyndy júrip jatyr. Jattyǵý jıyndary, jarystar belgilengen jumys jospary boıynsha júrgiziledi. Qyrkúıek aıynda Belgrad (Serbıa) ótetin Álem chempıonaty lısenzıalyq týrnır bolyp esepteledi. Sodan bir apta ótkende Azıa oıyndary bastalady. Sondyqtan, jattyqtyrýshylar basty nazardy Álem chempıonatyna bólip otyr. Óıtkeni, ol jaqta Olımpıada oıyndaryna joldama sarapqa salynady», - dedi Aıgúl Bektenova.
Buǵan deıin Azıa chempıonatynda Qazaqstan atynan shyǵatyn tájirıbeli balýandar kimder ekeni týraly jazǵan bolatynbyz.