«Almatyelektrotrans» kompanıasyn basqarǵan Bekmyrza Igenberdınov urlyq jasaýǵa árekettengeni úshin bes jylǵa bas bostandyǵynan aıyryldy, dep habarlaıdy Almaty-akshamy.kz Zakon.kz-ke silteme jasap.
Almatynyń qylmystyq ister jónindegi mamandandyrylǵan aýdanaralyq soty «Almatyelektrotrans» kompanıasynyń burynǵy basshysy Bekmyrza Igenberdınovke qatysty qylmystyq is boıynsha sheshim shyǵardy. Joǵarǵy Sottyń saıtynda jarıalanǵan úkimge sáıkes, QR QK (bótenniń múlkin urlaýǵa oqtalý) 190-baptyń 2-tarmaǵynyń 4-bóligi, 24-baptyń 3-bóligi boıynsha kináli dep tanyldy.
Igenberdınov bes jylǵa bas bostandyǵynan aıyryldy. Sonymen qatar oǵan ómir boıyna memlekettik qyzmette, sottarda jáne jergilikti ózin-ózi basqarý organdarynda laýazymdy qyzmet atqarýǵa tyıym salyndy. «Almatyelektrotrans» eks-basshysy jazasyn ortasha qaýipsizdiktegi túzeý mekemesinde óteıdi.
Bekmyrza Igenberdınov buǵan deıin «Jibek joly», «Astana LRT» jáne «City Transportation Systems» JSHS-da túrli qyzmet atqarǵan. 2022 jylǵa deıin «Almatyelektrotrans» JSHS bas dırektory boldy. 2022 jyldyń qyrkúıek aıynyń sońynda Igenberdınov júrgizilgen tergeý sharalaryna baılanysty «Almatyelektrotrans» basshysy qyzmetinen bosatylyp, qamaýǵa alyndy. Sybaılas jemqorlyqqa qarsy qyzmet «Almatyelektrotrans» kompanıasynyń eks-basshysynyń kásipkerden atqarylǵan jumys aktilerine qol qoıyp, ony tólegeni úshin 160 myń dollar alǵanyn habarlady.