Sońǵy jyldary Túrki elderiniń rýhanıat salasyndaǵy baılanystary jańa deńgeıge shyqty. Onyń jarqyn bir mysaly, jýyrda Túrkıa Jazýshylar odaǵynyń Basqarma tóraǵasy, Ankara áleýmettik ǵylymdar ýnıversıtetiniń rektory, profesor, doktor Musa Kazym Aryjannyń Qazaqstanǵa arnaı saparlap kelýi, - dep habarlaıdy Almaty-akshamy.
Profesor, doktor Musa Kazym Aryjannyń Qazaqstanǵa saparynyń negizgi maqsaty da rýhanıat salasyndaǵy baılanystardy tereńdetý. Osy oraıda 16 qyrkúıekte Musa Kazym Aryjan myrza TÚRKSOI Qazaqstan Jazýshylar qaýymdastyǵynyń prezıdenti Ulyqbek Esdáýletpen kezdesti. Qos tarap Sezaı Karakoch, Rasım Ózdenóren, Djemıl Merıch sıaqty ataqty túrik jazýshylarynyń eńbekteri qazaq tiline aýdarylatyny týraly ýaǵdalasty. Sondaı-aq, túrik jazýshysy Mehmet Akıf Ersoıdyń týǵanyna 150 jyl tolýyna oraı josparlanǵan merekelik shara týraly pikir almasty.
Sonymen qatar Ádebıet pen mádenıet salasyndaǵy, sondaı-aq rýhanı-aǵartýshylyq jáne jalpy gýmanıtarlyq máselelerdegi áriptestik pen ózara yntymaqtastyq týraly memorandýmǵa Qazaqstan Jazýshylar odaǵynyń Tóraǵasy Mereke Qulkenov pen Túrkıa Jazýshylar odaǵynyń Tóraǵasy Musa Kazym Aryjan qol qoıdy.
Bilim berý jáne ǵylym salasy da nazardan tys qalmady. Bilim berý men ǵylymı-zertteý salalarynda yntymaqtastyq týraly memorandýmǵa Ankara áleýmettik ǵylymdar ýnıversıteti rektory Musa Kazym Aryjan men QR Ulttyq ǵylym akademıasynyń prezıdenti Kúnsulý Zakarıa arasynda bilim berý men ǵylymı-zertteý salalarynda yntymaqtastyq týraly memorandýmǵa qol qoıyldy. Sondaı-aq, elimizdiń jetekshi ýnıversıtetteri Ál-Farabı at. QazUÝ men Almaty bıznes ýnıversıtetterimen bilim berý salasynda yntymaqtastyq ornatý týraly memorandýmdarǵa qol qoıyldy.
Musa Kazym Aryjan Eýrazıa ǵylymı-zertteý ınstıtýtynda «Dástúr men zamanaýı úderister arasyndaǵy Túrki jastary men bolashaǵy» taqyrybynda semınary ótti. Semınarǵa ınstıtýt basshysy doktor Sýat Beılýr myrza, «Alatau Aqparat» JSHS bas dırektory Erjan Qalymbaıuly jáne ınstıtýttyń ǵylymı qyzmetkerleri qatysty. Shara sońynda Ankara áleýmettik ǵylymdar ýnıversıteti men Eýrazıa ǵylymı-zertteý ınstıtýty arasynda baılanys ornatý týraly memorandýmǵa qol qoıyldy.