Iran parlamenti ıslam kıim úlgisin buzǵany úshin áıelderdi 10 jylǵa bas bostandyǵynan aıyrý týraly zań jobasyn qabyldady.
Kóptegen ırandyqtar bir jyl burynǵy eldegi bılik pen polısıanyń ozbyrlyǵyna qarsy narazylyqtan keıin basyn jaýyp júrýden bas tartqan edi, dep habarlaıdy Almaty-akshamy.kz VVS jańalyqtaryna silteme jasap.
Atalmysh zań jobasyn 152 parlament depýtaty maquldap, 34 depýtat qarsylyq bildirdi, 7 depýtat qalys qaldy.
Endi ony konstıtýsıalyq qadaǵalaý organy – Qamqorshylyq keńesi maquldaýy kerek, sodan keıin zań tolyqqandy kúshine enedi.
Jańa zańnyń maqsaty – ırandyqtardyń ıslamdyq kıim úlgisin saqtaýyna baqylaýdy kúsheıtý.
Endi bıliktiń kózqarasy boıynsha syrtqy kelbeti talapqa saı kelmegen áıelder aıyppul tóleýi kerek, olardy polısıa qamaýǵa da quqyly.
BUU bul zań jobasy Iran áıelderi men qyzdaryn odan saıyn zorlyq-zombylyq pen qýdalaýǵa ushyratatynyn eskertedi.