Halyqaralyq balalardy qorǵaý kúni qarsańynda baýyrdy transplantattaýdan ótken kishkentaı pasıentter tegin tekserýden ótip, A. N. Syzǵanov atyndaǵy ulttyq ǵylymı hırýrgıalyq ortalyqta syılyqtar aldy.
Bul eldegi balalarǵa baýyrdy transplantattaýdy jasaıtyn jalǵyz medısınalyq mekeme, dep habarlaıdy aqshamnews.kz.
⠀
İs-shara sheńberinde balalar últradybystyq zertteý (ÝDZ) sıaqty keshendi zerthanalyq taldaýlar men medısınalyq qarap-tekserýlerden ótti, beıindi mamandardyń konsýltasıasyn aldy.
⠀
Ortalyqtyń basqarma tóraǵasy, medısına ǵylymdarynyń doktory, profesor, QR UǴA akademıgi Baımahanov Bolatbek Bımendeuly balalarmen áńgimelesip, olardyń kóńil-kúıin surap, merekelik syılyqtar tabys etti. Ol bul balalardyń densaýlyǵy árdaıym ortalyq dárigerleriniń baqylaýynda ekenin atap ótti.
«Ata-analarynyń qasynda qaıta ómirge oralǵan qýanyshty balalardy kórý biz úshin úlken baqyt. Bul bizdi transplantologıa jáne medısınadaǵy joǵary tehnologıalar salasyndaǵy jańa bıikterdi baǵyndyrýǵa shabyttandyrady», - dep atap ótti ǵylymı ortalyqtyń basshysy Bolatbek Baımahanov.
⠀
Balalardyń transplantattaý baǵdarlamasyn iske asyrý ortalyqta 2016 jyly profesor Baımahanovtyń basshylyǵymen bastaldy, sodan beri 50 bala osy kúrdeli operasıadan sátti ótip, salaýatty ómir súrýge ekinshi múmkindik aldy.