Astanada QR Densaýlyq saqtaý mınıstrligi PİB Medısınalyq ortalyǵymen birlesip uıymdastyrǵan «Deni saý urpaq — ult bolashaǵy» prenataldyq medısına mamandarynyń II Halyqaralyq kongresi ótti.
Kongrestiń jumysy úsh beıindi seksıa formatynda ótti: «Medısınalyq genetıka: skrınıngten dál dıagnostıkaǵa deıin» jáne «Prenataldyq últradybystyq dıagnostıka, dep habarlaıdy aqshamnews.kz.
Prenataldyq medısınanyń qazirgi aspektileri» jáne «Balalardyń densaýlyǵyn saqtaýdaǵy mýltıdısıplınalyq tásil». Seksıalyq otyrystar medısınalyq genetıkadan bastap neonataldyq hırýrgıaǵa deıingi ártúrli baǵyttaǵy mamandardy jınady.
QR Parlamentiniń senatory Nurtóre Júsip qatysýshylarǵa quttyqtaý sóz sóılep, eldiń bolashaǵy jas urpaqtyń densaýlyǵyna tikeleı baılanysty ekenin atap ótti.
Kongreske Reseı, Ýkraına, Chehıa, Ispanıa, AQSH jáne Bolgarıadan kelgen halyqaralyq sarapshylar qatysty. Olardyń qatarynda Roza Bataeva, Pavel Galda, Marıa del Mar Hıl, Elena Sınkovskaıa, Petá Chaveeva jáne basqalar bar.
Qonaqtar qazaqstandyq mamandardy daıarlaýdyń joǵary deńgeıin jáne prenataldyq dıagnostıka men terapıadaǵy ozyq tásilderge qyzyǵýshylyqtyń artyp kele jatqanyn atap ótti.
Spıkerler týa bitken kemistikterdi erte anyqtaý, uryqtyń damý aýytqýlaryn dıagnostıkalaýdyń zamanaýı ádisteri, sondaı-aq Qazaqstandaǵy uryq jáne neonataldyq hırýrgıanyń jetistikteri týraly baıandamalar jasap, tájirıbelerimen bólisti, biregeı klınıkalyq jaǵdaılardy taldady.
Jumys qorytyndysy boıynsha qarar qabyldandy, onda eldegi prenataldyq medısınany odan ári damytý baǵyttary, sondaı-aq kásibı qoǵamdastyqty nyǵaıtý jáne ınovasıalyq tehnologıalardy praktıkaǵa engizý jónindegi is-sharalar kórsetilgen.
Plenarlyq bólim qarsańynda qatysýshylar praktıkalyq master-klastarǵa qatysty. Olardyń arasynda «Prenataldyq skrınıng mamandaryna arnalǵan Thermo Fisher Scientific forýmy», «Amnıotıkalyq suıyqtyq jasýshalaryn ósirý», «Uryqtyń ehokardıografıasy jáne júktilik kezindegi últradybystyq doplerografıa» bar.
Genetıkalyq aýrýlar men týa bitken kemistikterdi erte anyqtaý úshin «Bir kúndik klınıkalar» 15 perınataldyq ortalyq bazasynda ashyldy, 70 myńnan astam júkti áıel zerttep-qaraýdan ótti. Júkti áıelderdi prenataldyq skrınıngpen qamtý 2024 jyly 90%-ǵa jetti.
Bir kúndik klınıka jobasyn engizý nátıjesinde uryqtyń TDK anyqtalýy 13%-ǵa ósti, ómirmen úılesimsiz TDK bar balalardyń týýy 7%-ǵa tómendedi.