Básekelestikti qorǵaý jáne damytý agenttiginiń tóraǵasy taǵaıyndaldy

Memleket basshysynyń Jarlyǵymen Marat Talǵatuly Omarov Qazaqstan Respýblıkasynyń Básekelestikti qorǵaý jáne damytý agenttiginiń tóraǵasy bolyp taǵaıyndaldy. Ol burynǵy atqarǵan laýazymynan bosatyldy, dep habarlaıdy Almaty-akshamy.kz Aqordaǵa silteme jasap.
Marat Omarov buǵan deıin Qazaqstan Respýblıkasy Básekelestikti qorǵaý jáne damytý agenttigi tóraǵasynyń orynbasary qyzmetin atqarǵan.
Ol 1988 jyly týǵan.
2010 jyly «Bolashaq» baǵdarlamasy boıynsha brıtandyq Iork ýnıversıtetin «fılosofıa, saıasattaný, ekonomıka» mamandyǵy boıynsha, 2011 jyly áleýmettik ǵylymdar magıstri dárejesi berile otyryp, London ekonomıka jáne saıası ǵylymdar mektebin (LSE) bitirdi.
2012-2014 jyldary - Ekonomıkalyq damý jáne saýda, keıinnen- Ekonomıka jáne búdjettik josparlaý, Ulttyq ekonomıka mınıstriniń keńesshisi.
2014-2016 jyldary - QR Ulttyq ekonomıka mınıstrliginiń tarıftik jáne ınstıtýsıonaldyq saıasatty qalyptastyrý departamenti dırektorynyń orynbasary.
2016-2017 jyldary – «Qazaqtelekom» AQ-nyń basqarýshy dırektory.
2017-2019 jyldary - «Tehnologıalyq damý jónindegi ulttyq agenttik» AQ Basqarma tóraǵasy, transformasıadan keıin – «QazTech Ventures» AQ Basqarma tóraǵasy («Báıterek «UBH» AQ qurylymyna kiredi).
2019 jyldan bastap 2020 jylǵy qazanǵa deıin – «Báıterek «UBH» AQ basqarýshy dırektory - Basqarma múshesi. «Qazaqstannyń turǵyn úı qurylys jınaq banki» AQ, «Qazyna Kapıtal Menedjment» AQ, «Qazaqstannyń Damý Banki» AQ Dırektorlar keńesiniń múshesi.
2020 jylǵy 21 qazanda QR Básekelestikti qorǵaý jáne damytý agenttigi tóraǵasynyń orynbasary orynbasary laýazymyna taǵaıyndaldy.
Eske salsaq, agenttiktiń burynǵy basshysy keshe Serik Jumanǵarın QR Premer-Mınıstriniń orynbasary – Saýda jáne ıntegrasıa mınıstriniń mindetterin atqarýshy bolyp taǵaıyndalǵan bolatyn.