Inflásıanyń edáýir qarqyny Atyraý oblysynda sezildi
Shilde aıynda elde jyldyq ınflásıa qarqyn alyp, 15,0%-dy (maýsymda – 14,5%) qurady. Bul týraly Almaty-akshamy.kz Ulttyq bankke silteme jasap habarlaıdy.
Aımaqtar arasynda jyldyq ınflásıa 16 óńirde jedeldep, 3 oblysta báseńdedi, 1 óńirde ózgeris bolǵan joq.
Inflásıanyń edáýir qarqyny Atyraý oblysynda sezildi (maýsymdaǵy 14,1%-dan shildede 16,0%-ǵa deıin).
Azyq-túlik baǵasynyń ósý qarqyny shildede 19,7% j/j deıin ulǵaıdy (maýsymda – 19,2%). Osy topqa jatatyn taýarlardyń baǵasy Mańǵystaý oblysynda barynsha ósti (24,0%).
Azyq-túlikke jatpaıtyn taýarlar baǵasynyń ósý qarqyny j/j 14,2%-ǵa deıin jedeldedi (maýsymda – 13,2%). Eń joǵary mán Nur-Sultan qalasy men Ulytaý oblysynda (18,5%-dan), al eń tómengi mán Almaty qalasynda (12,3%) tirkeldi.
Aqyly qyzmet kórsetý baǵasy shildede j/j mánin 9,2% deńgeıinde saqtady, bul rette jalpy respýblıkalyq deńgeıden baǵa edáýir joǵary bolǵan Túrkistan (11,4%), Aqtóbe jáne Jambyl oblystarynda (6,7%-dan) birshama tómen ósti.
2022 jylǵy shildede eldegi aılyq ınflásıa 1,1%-dy qurady, bul sońǵy 5 jylda shildedegi ınflásıanyń ortasha máninen edáýir joǵary (2017-2021 jyldary: 0,3%).
Barlyq óńirde 2022 jylǵy shildede baǵa ortasha tarıhı normadan joǵary ósti. Aılyq ınflásıanyń anaǵurlym qarqyny Atyraý oblysynda baıqaldy (2,1%).