Tumaýdyń eki tıpi beleń alýda.
Aıjan Esmaǵambetova tumaý júrip jatqanyn kópshiliktiń esine saldy, dep habarlaıdy Almaty-akshamy.kz.
Máslıhat depýtattyǵyna kandıdattardy usyný kezeńinde koronavırýs ınfeksıasynyń taralýynyń aldyn alý sharasy týraly Densaýlyq saqtaý vıse-mınıstri Aıjan Esmaǵambetova baıandady.
«Respýblıka boıynsha koronavırýstyq ınfeksıa boıynsha jaǵdaı turaqty. Sońǵy eki aptada tómendeý baıqalady. Táýliginde 120-ǵa deıin tirkelýde. Aldyńǵy aptamen salystyrǵanda, sońǵy aptada syrqattanýshylyq 1,7 esege tómendedi. Barlyq aımaqtar jasylda tur. Jeti óńirde kórsetkish joǵary, osyǵan oraı qaýlyǵa sáıkes, adamdar kóp jınalatyn jerde betperde taǵý usynylady. Tumaýdyń eki tıpi beleń alýda», - dedi ol.
Osyǵan oraı, saılaý kezinde barlyq sharalardy saqtaýǵa keńes berdi. Vırýstyń taralýyn boldyrmaý úshin betperde taǵý usynylatynyn atap ótti.