Tizim jylyna eki ret 1 qańtar men 1 shildede jańartylady.
QR OSK otyrysynda 2023 jylǵy 19 naýryzǵa taǵaıyndalǵan Májilis jáne barlyq deńgeıdegi máslıhattar depýtattaryn saılaý úshin saılaýshylar tizimin qalyptastyrý máseleleri talqylandy, dep habarlaıdy Almaty-akshamy.kz
QR OSK tóraǵasynyń orynbasary Konstantın Petrovtyń aıtýynsha, Ortalyq saılaý komısıasy saılaýshylar tizimin jylyna eki ret 1 qańtar men 1 shildede jańartady.
«2023 jylǵy 1 qańtardaǵy jaǵdaı boıynsha, biz saılaýshylar tizimine 11 970 406 saılaýshyny engizdik, olar turaqty turatyn ýchaskeler boıynsha aldyn ala bólingen. Saılaýshylardyń eń kóp sany – Túrkistan oblysynda (1 177 507), eń azy – Ulytaý oblysynda (138 277)», - dedi Konstantın Petrov.
Toqaevtyń Jarlyǵymen Parlament Májilisi depýtattaryn saılaý 19 naýryzǵa taǵaıyndaldy. OSK sheshimi boıynsha Májilis pen barlyq deńgeıdegi máslıhattar depýtattaryn saılaý bir kúnde ótedi.