QR Bas memlekettik sanıtarlyq dárigeri Aıjan Esmaǵambetova Qazaqstan Respýblıkasy halqy arasynda COVID-19 koronavırýs ınfeksıasynyń taralýynyń aldyn alý maqsatynda jańa karantındik qaýlyǵa qol qoıdy, dep habarlaıdy Almaty-akshamy.kz QazAqparatqa silteme jasap.
Jańa qujatta ıoga jáne spa ortalyqtary, fıtnes-klýbtary, monsha, saýna, baseın, kompúterlik klýbtar, boýlıń, bılárd, karaoke, kórme, teatr syndy nysandarǵa «Ashyq» jobasyn engizý jáne iske asyrý jalǵasatyny jazylǵan.
Qosa berilip otyrǵan:
1. osy qaýlyǵa 1-qosymshaǵa sáıkes, «Ashyq» jobasyna jańa qatysýshylardy qosý algorıtmi;
2. osy qaýlyǵa 2-qosymshaǵa sáıkes, «Ashyq» jobasyn engizý jáne «qyzyl» mártebesi bar kelýshilerdi anyqtaý kezinde sharalar qabyldaý algorıtmi;
3. osy qaýlyǵa 3-qosymshaǵa sáıkes, ereje buzǵan qatysýshylardy «Ashyq» jobasynan shyǵarý algorıtmi;
4. osy qaýlyǵa 4-qosymshaǵa sáıkes, «Ashyq» jobasyna qatysatyn áleýmettik-ekonomıkalyq obektilerdiń qyzmetin shekteý ólshemsharttary bekitiledi.
QR Sıfrlyq damý, ınovasıalar jáne aeroǵarysh ónerkásibi mınıstrligine obektilerde engizý kezinde «Ashyq» jobasyn tehnıkalyq qoldaý júktelgen.
Oblystardyń, Nur-Sultan, Almaty, Shymkent qalalarynyń ákimderi, «Atameken» UKP (kelisý boıynsha) quzyretine sáıkes sharalar qabyldaıdy jáne:
1) osy qaýlynyń 1 jáne 2-tarmaqtaryna sáıkes, obektilerde «Ashyq» jobasyn engizýdi;
2) osy qaýlynyń 1 jáne 2-tarmaqtaryna sáıkes, jobany iske asyrýǵa qatysatyn obektilerdiń tizbesin aıqyndaýdy;
3) halyqty, jeke jáne zańdy tulǵalardy jobaǵa qatysatyn obektilerge kirý úshin «Ashyq» mobıldi qosymshasyn, onyń ishinde basqa da platformalardy (mysaly, eGov mobile, Aitu, Kaspi.kz, Halyk Bank, Sberbank.kz, Álfa-Bank platformasyndaǵy analogy, www.ashyq.kz saıty) paıdalaný qajettigi týraly habardar etýge mindetteledi.
«Ashyq» jobasyna qatysýshylar:
1) osy qaýlyǵa 2-qosymshaǵa sáıkes, «Ashyq» jobasyn engizýge jáne oǵan qatysýǵa qoıylatyn talaptardyń saqtalýyn qamtamasyz etedi;
2) óńir «qyzyl» aımaqtan «sary» aımaqqa nemese «sary» aımaqtan «jasyl» aımaqqa aýysqan kezde osy qaýlyǵa 2-qosymshaǵa sáıkes talaptardy saqtaýdy jalǵastyrady;
3) osy qaýlynyń talaptarynyń saqtalýyn qamtamasyz etedi.
«Ashyq» jobasyn engizý týraly» QR Bas memlekettik sanıtarlyq dárigeriniń 2022 jylǵy 27 qańtardaǵy №7 qaýlysynyń kúshi joıyldy dep sanalady.
Qaýlynyń tolyq nusqasyn QR DSM Sanıtarlyq-epıdemıologıalyq baqylaý komıtetiniń resmı saıtynan oqýǵa bolady.