Eńbekshi jastar forýmynyń qatysýshylary jastarǵa úndeý joldady
Respýblıkalyq eńbekshi jastar forýmynyń qatysýshylary jastarǵa úndeý joldady, dep habarlaıdy Almaty-akshamy.kz
Qurmetti qurdastar, qymbatty dostar!
Qańtar aıynyń qasiretti kúnderinde Qazaqstannyń bolashaǵyn oılaıtyn árbir jan elimizdiń jaýlarynyń beıbit sherýler men jastardy qalalarymyzdaǵy jaǵdaıdy turaqsyzdandyrý úshin, al qordalanǵan qaıshylyqtardy, ádilettilik sezimin jáne ıgi ózgeristerge degen tilekti qaqtyǵystarǵa, tártipsizdikterge jáne búlikterge paıdalaný áreketterin anyq kórdi.
Qazirgi kúrdeli jáne qıyn kezeńde biz jastardy syndarly oılaýǵa, óz múddelerin barıkada arqyly emes, beıbit jolmen qorǵaýǵa, kásipodaqtarǵa birigý nemese jastar qurylymdarymen birlesip máselelerdi sheshýge shaqyramyz.
Biz turaqty dıalogta birge bolý jáne ár býynnyń barlyq azamattarynyń múddelerin qurmetteý, zańdy buzbaı, paıdaly sharýalarmen aınalysý, ıaǵnı úzdik oqý, adal eńbek etý arqyly ǵana halqymyzdyń, aǵa býynnyń úlken úmiti men senimin aqtaı alamyz.
Biz el Prezıdenti Qasym-Jomart Toqaevtyń qýatty jáne órkendegen memleket qurý baǵytyn qoldaımyz.
Táýeldi kózqarastardy, maqsatsyzdyqty jáne jumys istegisi kelmeýdi qabyldamaımyz.
Búginde halqymyz, súıikti Otanymyz, Prezıdent bizden - óskeleń urpaqtan úlken jetistikter kútedi.
Bizdiń zamanymyz, Jańa Qazaqstandy quratyn, sonda ómir súretin adamdardyń zamany keledi.
Ózgeristerdi ózimizden bastap, bolyp jatqan jaǵdaıǵa jeke jaýapkershilik tanytý arqyly ǵana biz qýatty, táýelsiz Qazaqstanda jańa shyndyqty qalyptastyra alamyz!
Otanǵa aıanbaı qyzmet etý, kez kelgen synaqtar men qıyndyqtardy tabandylyqpen jeńý ómirimizdiń maqsaty bolsyn!