Keshe depýtat Ermurat Bápı aımaqtardy aralaǵan kezde "qatty qıyndyq kórip júrgen halyqty baıqamaǵanyn" aıtqan edi. Osyǵan oraı Aqshamnews.kz tilshisi Májilis depýtattarynan bul pikirge qatysty kózqarasyn surady.
Rınat Zaıyttyń aıtýynsha, ol aralaǵan óńirde qymbatshylyq qatty baıqalǵan.
"Árıne, múmkin ol basqa jaqtarǵa barǵan shyǵar. Ózim aralaǵan óńirde kóp. Bári nesıege batqan. Ýaıymy kóp. Eńbek istep, mal baǵaıyn dese, aýylda jer joq. Ázirge bilinbeýi múmkin. Mine, qysta kómirdiń áńgimesi bastalady. Jylýdyń áńgimesi bar, sebebi tarıf ósti. Men Ermurat Bápı sıaqty qazaq demokratıasyna qyzmet etken saqa depýtattyń oıymen talasqym kelmeıdi. Onyń pikirin durys-burys dep aıta almaımyn", - dedi ol.
Sondaı-aq, depýtat Zaıyt qymbatshylyqty otbasynyń turmys-tirshiligi arqyly baıqap júrgenin aıtty.
"Men dúkenge barmaımyn. Áıelim barady. Biraq onyń aıtýynsha, qatty qymbatshylyq bolyp jatqan sıaqty", - dedi Rınat Zaıyt.
Qostanaı óńirinen saılanǵan depýtat Erkin Ábil de baǵanyń ósýi aımaqtarda seziletinin atap ótti.
"Árıne, ózimizde bazarǵa baryp et alamyz, sezip jatyrmyz. Astanadaǵydaı emes biraq Qostanaı da seziledi. Basqa ekonomıkalyq óńirlermen salystyrǵanda jalaqy tómen. Bıyl, ókinishke qaraı, ınflásıa - 11 paıyz. Úkimet 5-8 paıyz qalady dep otyr. Bul da joǵary paıyz dep esepteımin. Ulttyq qordan aqsha ala bersek, ınflásıa eshqashan toqtamaıdy. Sondyqtan qymbatshylyqty toqtatý úshin búdjet máselesin sheshýimiz kerek. Qostanaıda kókónistiń baǵasy ósip jatyr. Ol kúzde arzandaýy kerek edi, biraq jaǵdaı osyndaı", - dedi depýtat.
Depýtat Abzal Quspan bolsa, Astananyń keıbir aýdandarynda halyqtyń turmys qıyndyǵy anyq kórinetinin aıtty.
"Meniń taqyrybym basqa bolǵanymen, el arasynda júrgen soń qymbatshylyqtan qınalyp júrgen halyqtyń baryn bilemin. Dáleldeýdi qajet etpeıdi. Astanadaǵy "Artem" bazarynyń artyna barsańyz, jaǵdaıdy kóresiz. Oń jaǵalaýdaǵy qıynshylyqty sezinesiz, Astanada júrgenińizdi umytyp qalýyńyz múmkin", - dedi ol.
Eske salaıyq, buǵan deıin Ermurat Bápı aımaqtardy aralaǵan kezde "qatty qıyndyq kórip júrgen halyqty baıqamaǵanyn" aıtqan edi. Keıin depýtat bul sózin túsindirip, óz aımaǵynda halyqtyń jaǵdaıyn salystyrmaly túrde jetkizgenin atap ótti.