Vaksınasıalanǵan barlyq jasóspirimder eresekter sıaqty vaksınasıa pasportyn alady. Bul týraly brıfıń barysynda Jandarbek Bekshın málim etti, dep habarlaıdy almaty-akshamy.kz QazAqparatqa silteme jasap.
«Ata-anasy balaǵa ekpe salýdan bas tartsa, onda balasyn Qazaqstan Respýblıkasynyń Konstıtýsıasynda kepildik berilgen densaýlyqty qorǵaý quqyǵynan aıyrǵany. Aıta keteıin, vaksınasıalanǵan barlyq jasóspirimder eresekter sıaqty vaksınasıa pasportyn alady»,-dedi Jandarbek Bekshın.
Aıta keteıik, búginnen bastap jasóspirimderge ekpe salý bastaldy. Almaty qalalyq qoǵamdyq densaýlyq basqarmasy basshysynyń orynbasary Laýra Myrzaǵalıevanyń dereginshe, megapolıste 12-17 jas aralyǵyndaǵy 1 619 bala ekpe alýǵa daıyn.
«12-17 jastaǵy 1 619 balanyń vaksına alǵysy keldi. Eger jasóspirim ata-anasynyń kelisiminsiz vaksınasıaǵa kelse, medısına qyzmetkerleri olarmen habarlasyp, kelisimin suraıdy. Tizimder bar, pedagogtar bizge kómektesedi», - dedi dáriger.