Eritindini jasap shyǵarý úshin ǵalymdar 2 jyl jumsaǵan
Ǵalymdardyń aıtýynsha, suıyqtyqtyń quramy qarapaıym. Sapasy sheteldik analogtan kem emes. Sonymen qatar jergilikti ǵalymdardyń jetistigi bul táýeldilikten qutqaryp, qyrýar qarjyny únemdeýge sep bolmaq, dep habarlaıdy Almaty-akshamy.kz Qazaqtv.com saıtyna silteme jasap.
«Syrttan kirgizetin eritindige kelsek, bir flakonnyń ishinde 17-18 ml bolsa, bireýiniń quny bizdikimen salystyrǵanda 10 ese qymbat. Biz jasaǵan quram boıynsha oǵan bir arnaıy reagenttermen bireýge táýeldi degen, ondaı joq, qarapaıym qoljetimdi reagentterden daıyndalǵan», - deıdi ujymdyq qoldanystaǵy ulttyq ǵylymı zerthana meńgerýshisi Qydyrmolla Aqatan.
Ǵalymdarǵa keńes berip kelgen oblystaǵy onkologıalyq dıspanser mamandary eritindiniń tıimdiligin joǵary baǵalady. Búginde qaterli isikpen kúresetin dárigerler jappaı skrınıngten ótkizý úshin otandyq ónimniń qoldanysqa engizilýin kútip otyr. Máselen, jyl saıyn Shyǵys Qazaqstan oblysynda 50 myń adam jatyr moıyny qaterli isigin erte anyqtaıtyn dıagnostıkadan ótedi eken.
«Turaqtandyrǵysh eritindiniń qoldaný aıasyn keńeıtý úshin biz qazirgi ýaqytta dál osyndaı qasıetteri bar, ıaǵnı fıksasıalaý qasıetine tán ózge de bıomaterıaldardy zerttep jatyrmyz. Sonymen qatar ony tasymaldaý máselesin de qarastyrýdamyz», - dedi ýnıversıtet janyndaǵy ulttyq ǵylymı laboratorıanyń ǵylymı qyzmetkeri Aıdana Imasheva.
Aıta keteıik, avtorlar bul ónimdi jappaı óndiriske engizýge daıyn. Nanoónimge patent alynyp, elimizdegi medısınalyq buıymdar reestirine engizildi.