AQSH prezıdenti Baıden onkologıalyq aýrýlarmen kúresýge 150 mıllıon dollar bóldi, dep habarlaıdy aqshamnews.kz 24kz-ke silteme jasap.
Qarajat hırýrgtarǵa qaterli isikterdi sátti joıýǵa kómektesetin joǵary dáldiktegi mıkroskoptar men tehnologıalardy jasaýǵa jumsalmaq. Bul Cancer Moonshot baǵdarlamasy boıynsha sońǵy qarjylandyrý. Baǵdarlama eki jyldan beri jumys isteıdi.
Osy ýaqyt ishinde Baıdenniń bastamasymen onkologıalyq aýrýlardyń aldyn alý, anyqtaý jáne emdeý tehnologıalaryn damytýǵa 400 mıllıon dollar bólingen. Bul arqyly AQSH 2027 jylǵa qaraı onkologıalyq aýrýlardan bolatyn ólim-jitimdi kem degende eki ese azaıtqysy keledi. Jalpy AQSH-ta 2 mıllıonǵa jýyq adam qaterli isikke shaldyqqan.