Reseılik saıasattanýshy jáne Ortalyq Azıa boıynsha sarapshy Arkadıı Dýbnov qazirgi Qazaqstannyń eki kóshbasshysynyń – Nursultan Nazarbaev pen Qasym-Jomart Toqaevtyń jaǵdaıyn qyzyqty turǵyda sıpattady, dep habarlaıdy aqshamnews.kz
Paryz.kz basylymyna bergen suhbatynda Dýbnovtyń eki dáıeksózimen bólisemiz:
«Nazarbaevty aıaımyn, sebebi onyń ambısıalary men aqyl-oıynyń tereńdigine qaramastan, ol óz aınalasynyń, óziniń otbasynyń qurbany boldy. Bul tek onyń jeke tragedıasy emes, ol Qazaqstannyń ári qaraıǵy damýyna da qaıǵyly áserin tıgizdi. Sondyqtan (kúldi) ony búgin synamaımyn. Arystan tiri, biraq ol burynǵydaı emes», — dep pikir bildirdi saıasattanýshy.
«Toqaev óz bolmysyna saı bola bastady. Iaǵnı, ol bálkim, qandaı bolýǵa daıyn bolǵan bolsa, dál sondaı adamǵa aınaldy. Eger Nazarbaev bolmaǵanda, onyń taǵdyry basqasha bolar edi. Óıtkeni ol onyń kezinde mansabyn jasady. Nazarbaev ony BUU Bas hatshysynyń orynbasary qyzmetine taǵaıyndady, jáne ony sol jerden qaıta shaqyryp aldy. Esterińizde bolsa, bul senatqa aıtqan áıgili sózderi edi: sizder meniń izbasarym kim bolatynyn suradyńyzdar, mine – dep qolyn Toqaevqa qaraı sozdy. Bul keńestik erekshelik, kóshbasshy kimniń úı ıesi ekenin kórsetken kezde. Biraq, meniń oıymsha, vasal bolý sezimi óte jaǵymsyz», — dep bólisti Dýbnov óz oıymen.