Jıhankez!
«Babalar izimen» ekspedısıasynyń top músheleri Baıanaýyl aýdanyndaǵy Eskeldi eldi mekenine jetti, dep habarlaıdy Almaty-akshamy.kz Qazaqtv.com-ǵa silteme jasap.
Jıhankez Sapar Ysqaqov bastaǵan ǵalymdar men jıhankezder uly oıshyl ári áýlıelik qasıetimen daralanǵan Máshhúr Júsip kesenesine bardy.
«Bul Qazaqstandaǵy qasıetti jerlerdiń biri dep esepteımin. Kezinde ol kisini qazaqtyń aqyndary men oqymystylary paıǵambarǵa teńegen. Ol jaıdan jaı emes. Máshhúr Júsip kúlli qazaqtyń umytylyp kete jazdaǵan fólkloryn jınap, qaǵazǵa túsirip, bizge jetkizdi. Ol kisiniń eńbegin óte zor dep aıtýǵa bolady», - dedi «Babalar izimen» ekspedısıasynyń jetekshisi Sapar Ysqaqov.