Almaty ákimi Baqytjan Saǵyntaev «Almaty» telearnasyndaǵy onlaın-tanystyrylym barysynda megapolıstegi jol ınfraqurylymyn damytý, jańa joldardy jóndeý jáne salý týraly aıtty, dep habarlaıdy Almaty-akshamy.kz.
Qalanyń aýmaǵy tarıhı jaǵynan Almaty oblysynyń irgeles aýdandarynyń esebinen ulǵaıdy. Qazirgi tańda, 2021 jylǵy málimetke sáıkes, qaladaǵy joldardyń jalpy uzyndyǵy - 3097 shaqyrym. Almaty joldarynyń úlesi respýblıkanyń barlyq qala ishindegi joldarynyń besten bir bóligin (17,3%) quraıdy.
Kún saıyn qalada 700 myńnan astam kólik júrýde, 1 mıllıonnan astam adam qatynaıdy. Magıstraldy kóshelerdiń uzyndyǵy 531 km nemese 17%, aýdandyq mańyzy bar kósheler – 594 km nemese 19%, jergilikti kósheler -1972 km nemese 64%-dy quraıdy.
Búginde jergilikti mańyzdaǵy 298,5 km kóshe bar, negizinen qalaǵa qosylǵan shaǵyn aýdandarda ári olarǵa asfáltty beton tóselmegen. Jaqsy jáne qanaǵattanarlyq jaǵdaıdaǵy joldardyń úlesi 80%-dan (2477 km) asady.
2020 jyly uzyndyǵy 219 km bolatyn 324 kóshege ortasha jóndeý júrgizildi, 86,6 km trotýarlar jáne 40-tan astam aıaldamalar men qaltalar jóndelip, abattandyryldy.
Vision Zero tujyrymdamasyn iske asyrý maqsatynda Moldaǵalıev, Mametova jáne Aıtıev kósheleriniń boıynda 14 trapesıa tárizdi jasandy kedergiler men 102 qaýipsiz qurylǵylar jasaldy.
74 myń adam turatyn 8 shaǵyn aýdanda 42,8 km jańa jol salyndy. Olar – Darhan-Baıbesik, Alǵabas-AZTM, Uljan-1, Uljan-2, Áıgerim-1, Áıgerim-2, Trýdovık, Shańyraq-2 shaǵyn aýdandary.