Almaty ákímí Baqytjan Saǵyntaev «Almaty» telearnasyndaǵy jol ınfraqūrylymyn damytu jóníndegí onlaın-tanystyrylym barysynda megapolıs audandaryndaǵy joldardy jóndeu men saludyń qarqyny turaly aıtty, dep habarlaıdy Almaty-akshamy.kz.
Bıylǵy jyly «Jańa Almaty» keshendí jospary ayasynda Alatau, Túrksíb jáne Nauryzbaı audandarynyń 8 shaǵyn audanyndaǵy (Ójet, Shańyraq-5, Samǵau, Nūrshashqan, Qūramys, Álmerek, Qaırat, Alǵabas) 415 kóshede 108 shaqyrymdyq jańa joldar salynuda. Būl shaǵyn audandarda 153 myńnan astam tūrǵyn bar.
Mysaly, Alatau audanynda bıyl ūzyndyǵy 45,2 km 43 kósheníń joldaryn ortasha jóndeuden ótkízu, sondaı-aq Shańyraq-5, Samǵau, Ójet, Shańyraq-1, Alǵabas sıyaqty 5 shaǵyn audanda ūzyndyǵy 62,8 km 257 kóshege jol salu josparlanǵan. Terektí, Boraldaı, Mádenıet shaǵyn audandarynda ūzyndyǵy 81,3 km jol salu úshín JSQ ázírlenude.
Būryn atalǵan shaǵynaudandardyń keıbíreuínde asfalt jol múldem bolmaǵan. Ótken jyly audanda 42,4 km jańa joldar salyndy, 75,8 km jolǵa ortasha jóndeu júrgízíldí.
Túrksíb audanynda ūzyndyǵy 13,5 km bolatyn 20 kóshedegí joldardy ortasha jóndeuden ótkízu, sondaı-aq Qaırat, Álmerek, Nūrshashqan shaǵynaudandarynda ūzyndyǵy 48,7 km bolatyn 149 kóshege jol salu josparlanǵan. Ótken jyly ūzyndyǵy 10,7 km bolatyn 14 kóshedegí joldarǵa ortasha jóndeu jūmystary júrgízíldí. Úsh shaǵynaudanda ūzyndyǵy 48,7 km bolatyn jol salu úshín JSQ jasaldy.
Nauryzbaı audanynda ūzyndyǵy 25,7 km bolatyn 18 kóshedegí joldardy ortasha jóndeu josparlanǵan, onyń íshínde Tastybūlaq shaǵynaudanynda. Tausamaly shaǵynaudanyndaǵy ūzyndyǵy 1,2 km bolatyn Qonaev kóshesín ekí jolaqtan tórt jolaqqa deıín ūlǵaıtu josparlanuda. Qūramys shaǵyn audanynda 4,9 km jol salu josparlanǵan. Aqjar jáne Shūǵyla shaǵyn audandaryndaǵy ūzyndyǵy 52,3 km bolatyn 89 kóshege jol salu úshín JSQ ázírlenude. Ótken jyly Qarǵaly, Qalqaman-2, Tastybūlaq shaǵyn audandaryndaǵy ūzyndyǵy 22,2 km bolatyn 35 kóshedegí joldarǵa ortasha jóndeu júrgízíldí.
Bostandyq audanyndaǵy Kókshoqy (3,1 km), Asqartau (1,5 km), Baǵanashyl-2 (1,2 km), Aqtóbe (1,6 km). Ermensaı (3,2 km), Alatau (4,4 km), Nūrlytau (2,6 km) shaǵynaudandarynda 7,4 km jol salu josparlanǵan. Ermensaı (3,2 km), Alatau (4,4 km), Nūrlytau (2,6 km) shaǵyn audandarynda 10,2 km jol salu úshín JSQ ázírlenude.
Sondaı-aq, ūzyndyǵy 17,1 km bolatyn 17 kósheníń joldaryn ortasha jóndeu josparlanǵan. Onyń íshínde ūzyndyǵy 3 km bolatyn Sátbaev kóshesí Shchepetkov kóshesínen Manas kóshesíne deıín magıstraldí jol bolyp sanalady. Ótken jyly ūzyndyǵy 20,2 km bolatyn 43 kóshedegí joldarǵa ortasha jóndeu júrgízíldí, 3 baǵdarsham salyndy.
Medeu audanynda aǵymdaǵy jyly ūzyndyǵy 58,5 km bolatyn 50 kóshedegí joldardy jóndeu josparlanǵan. «Duman» shaǵyn audanyndaǵy ūzyndyǵy 27,4 km bolatyn 53 kóshede joldardy kúrdelí jóndeu jūmystary júrgízílude. Ótken jyly ūzyndyǵy 25 km bolatyn 28 kóshede ortasha jóndeu jūmystary júrgízíldí; Duman shaǵyn audanyndaǵy ūzyndyǵy 3,1 km bolatyn Hantáńírí, Qazyǵūrt, Aqmeshít, Burabaı, Qarqaraly, Bolashaq kósheleríndegí joldar kúrdelí jóndeuden óttí.
Jetísu audanynda joldardy ortasha jóndeu ūzyndyǵy 22,4 km bolatyn 23 kóshede júrgízíldí. Soltústík aınalym - «Adem» SÚ, Soltústík aınalym – Qarasu shaǵyn audany, Soltústík aınalym – Shosseınaya kóshesí qıylystaryna 3 jer ústí ópelí joldar salyndy. Kemel shaǵyn audanda jayau júrgínshílerge arnalǵan kópír salu úshín jobalyq-smetalyq qūjattama jasaldy. Ūzyndyǵy 18,2 km bolatyn 11 kóshedegí joldardy ortasha jóndeu josparlanǵan. Kemel shaǵyn audanynda ūzyndyǵy 8,8 km bolatyn 30 kóshe salu boıynsha JSQ ázírlenude.
Áuezov audanynda ūzyndyǵy 28,1 shaqyrym bolatyn 61 kóshede joldardy ortasha jóndeu jūmystary júrgízíldí. Taugúl-3 shaǵyn audandaǵy 42 kóshede 18,2 shaqyrym jol salyndy. Bıyl ūzyndyǵy 27 shaqyrym bolatyn 34 kóshedegí joldardy jóndeu josparlanǵan.
Almaly audanynda ūzyndyǵy 14,7 km bolatyn 19 kóshedegí joldarǵa ortasha jóndeu júrgízíldí, 8 baǵdarsham salyndy. Áıteke bı kóshesí boıymen Baıtūrsynov kóshesínen Dosmūhamedov kóshesíne deıín jol salu úshín JSQ ázírlenude. Aǵymdaǵy jyly ortasha ūzyndyǵy 20,2 km bolatyn 14 kóshede ortasha jóndeu jūmystary josparlanǵan.
Almatyda ílespe kólík ınfraqūrylymyna qatysty 17 shaqyrym aryq pen 83 shaqyrym trotuar jóndeldí. 2021 jyly 96 km trotuar men 22 km aryq jelísín jóndeu josparlanǵan.
Būdan ózge, 2021 jyldyń 6 aıynda 38,3 shaqyrym trotuar men 11,4 shaqyrym aryq jelísí jóndeldí.