Almaty qalasy memlekettik muraǵatynyń qyzmetkerleri: "Biz koronavırýspen kúresti kúsh biriktirip kúsheıtýimiz kerek"
Ótken aptada Almatyda koronavırýs derti 1,7 ese ósti. Bul qalada taralǵan “delta” jańa shtammdarǵa baılanysty. Aýrý juqtyrmaýdyń jalǵyz joly vaksına alý. Sondyqtan qaladaǵy kóptegen uıymdardyń ujymdary koronavırýsqa qarsy ekpe aldy. Sondaı-aq KVI-den ujymdyq ımýnıtetti qalyptastyrý úshin basqa qala turǵyndary da ekpe alǵandary jón.
Koronavırýstyq indet kezinde kóptegen qyzmet salalary úshin qıyn boldy, olar onlaın formatta jumys istedi. Almaty qalasynyń memlekettik arhıviniń qyzmetkerleri lokdaýndar kezinde kásibı qyzmette qıyndyqtar bolǵanyn aıtty. Sebebi olardyń jumysy qaǵaz túrindegi qujattarmen baılanysty.
Almaty qalasy memlekettik muraǵatynyń qujattardy ǵylymı paıdalaný bóliminiń basshysy Aqaeva Ǵalıa Atıbaıqyzy ózi koronavırýspen aýyrmaǵan. Biraq onyń dostary, tanystary men týystarynyń arasynda aýyrǵandar bolǵanyn aıtty.
"Dárigerlerdiń úılesimdi jumysynyń arqasynda olar qazir saý ári dárigerlerdiń eńbekterine rıza", – dedi.
Ǵ. Aqaeva lokdaýn kezinde baseınge barýdyń jetispeıtinin aıtty. Óıtkeni, indet bastalǵan sátten bastap sport nysandaryna barýǵa ruqsat bolmady.
"Men vaksına aldym. Vaksına alýymnyń birneshe sebepteri bar. Ekpe salǵan soń qoǵamdyq oryndarǵa barýdan qoryqpaısyń. Alǵashqy kezde qorqynysh boldy, sebebi áleýmettik jelide vaksına densaýlyqqa zıan tıgizýi múmkin degen habarlama oqydym. Onyń jalǵan aqparat ekenin bildim. Men ekpe pýnktine bardym, Almatynyń árbir turǵyny osylaı jasaýy tıis dep sanaımyn", – deıdi Ǵalıa Atıbaıqyzy.
Onyń aıtýynsha, vaksınadan keıingi keıbir janama áserler is júzinde deneniń tabıǵı reaksıasy ekenin aıtty. Balalar qandaı da bir vaksına alǵan kezde, dári áser etedi, óıtkeni dene beıimdelip, úırenýi kerek.
Ǵalıa Aqaeva vaksına alǵannan keıin de halyqty belgili bir ýaqyt ishinde sanıtarlyq normalar men qashyqtyqty saqtaýǵa shaqyrdy.
"Vırýs óte qaýipti ári ol tez joıylmaıdy, biraq biz oǵan qarsy kúresti kúsh biriktirip kúsheıtýimiz kerek", – dedi ol.
Ǵalıa Aqaevanyń áriptesi, Baıjomartova Bota Turarbekqyzy Almaty qalasy memlekettik muraǵatynyń esepke alý bóliminiń basshysy, ekpeden keıin qandaı da bir jaǵymsyz sezimderdiń paıda bolýy keıde adamdardyń ózin-ózi gıpnozdaýymen baılanysty dedi.
"Eger siz ózińizdi jaman nársege daıyndaıtyn bolsańyz, onda bul oryn alady. Sondyqtan koronavırýstyq vaksınadan qoryqpańyz, tekserilmegen aqparatqa senbeńiz. Vaksına meni indet qaýpinen qorǵaıdy ári denede jaǵymsyz reaksıalary bolmaıdy. Vaksınanyń arqasynda kez kelgen qala turǵyny vırýstyń taralýyn toqtatýǵa kómektesedi", – deıdi Bota Turarbekqyzy.
Almaty qalasy memlekettik muraǵatynyń qyzmetkerleri olardyń aınalasyndaǵy adamdardyń jartysynan kóbi ekpe alǵanyn aıtty. Ǵalıa Aqaeva men Bota Baıjomartova eger bolashaqta vaksınalanǵan adam sany artatyn bolsa, onda kóp uzamaı eshkim qonaqqa barýdan, sportpen shuǵyldanýdan, demalys oryndaryna barýdan qoryqpaı bári ádettegi ómir saltyna orala alady dedi.
Eske salsaq, aǵymdaǵy jyldyń 1 aqpany men 29 maýsym aralyǵynda Almatyda 451 205 adam vaksına aldy. Ótken táýlikte 12 275 adam ekpe aldy. 60 jastan joǵary vaksına alǵandar sany 76 660 adamdy quraıdy.
Qalada medısınalyq uıymdarda, mektepterde, mádenıet, sport nysandarynda, bazar men qalanyń SOSO-da 208 vaksına pýnktteri jumys isteıdi (250-ge deıin ulǵaıtý múmkindigimen). 1 256 adam jumyldyrylǵan 307 ekpe brıgadasy qyzmet atqarady.