Adamzattyń názik jandy ókilderi genderlik stereotıpterdi taǵy da joqqa shyǵarýda.
Tek qyzdardan quralǵan ekıpaj Taraz aerodromyndaǵy Azamattyq avıasıa akademıasynda ushý tájirıbesi tarıhyndaǵy alǵashqy reısin jasady, dep habarlaıdy Almaty-akshamy.kz Kólik mınıstrligine silteme jasap.
Tarıhı ekıpaj quramynda nusqaýshy ushqysh Adelına Lýsenko men stýdent Ekaterına Stepına bolǵan. Názik jandylar Tecnam 2002JF bir qozǵaltqyshty oqý-jattyǵý ushaǵynda aspanǵa kóterildi.
«Sezim negizinen kez kelgen basqa ushý kezindegideı. Men úshin bul ózinen-ózi túsinikti jaǵdaı. Oqý kezinde meniń de eki áıel nusqaýshy bolǵan edi. Osyǵan qaramastan, akademıanyń alǵashqy áıel ekıpajy bolǵandyqtan, ózimdi maqtan tutamyn. Sonymen qatar, osy tarıhı oqıǵa tek 2024 jyly bolǵany ókinishti», -- dep bólisedi Adelına.
Qazirgi ýaqytta jas nusqaýshyǵa eki stýdent tirkelgen. Bıkesh olarǵa ushý tájirıbesi boıy aspandy qalaı baǵyndyrýdy úıretpek.
Aıta keteıik, Adelına Lýsenko buǵan deıin Ispanıada Eýropalyq avıasıalyq qaýipsizdik agenttiginiń (EASA) sertıfıkattaýynan ótken bolatyn. Ol halyqaralyq dárejedegi nusqaýshy ushqysh bolyp sanalady.
*Azamattyq avıasıa akademıasynda ushqyshtan bólek taǵy 11 mamandyq boıynsha oqý júrgizilýde.