5-shi Dúnıejúzilik kóshpendiler oıyndaryna daıyndyq sheńberinde Semeıde dástúrli sadaq atýdan erler men áıelder arasyndaǵy Qazaqstan Kýbogi bastaldy.
Oǵan alǵash ret qatysýshylardyń sany rekordtyq kórsetkishke jetti. Atap aıtqanda, 300-den astam úzdik sadaqshy elimizdiń barlyq óńirinen qatysyp jatyr, dep habarlaıdy Egemen.kz.
Dástúrli sadaq atýdan Qazaqstan quramasynyń bas bapkeri Dıas Ahmetovtiń aıtýynsha, jarys tórt túrli nysan boıynsha ótedi. Pýta nysanasy (9 oqtan 7 múmkindik), qalqan nysanasy (7 oqtan 7 múmkindik), jamby nysanasy (5 oqtan 5 múmkindik) jáne komandalyq jarys barlyq sportshyǵa birdeı 4 nysanada baq synaý múmkindigi beriledi. Atalǵan ár nysan boıynsha erler jáne áıelder 1,2,3 oryndary boıynsha medaldarmen jáne dıplomdarmen marapattalady.
Ulttyq sport qaýymdastyǵynyń málimetinshe, jarystyń alǵashqy kúnin 200-ge jýyq er jáne 100-deı áıel pýta nysanasy (9 oqtan 7 múmkindik) boıynsha bastady. Joǵary upaı jınaǵan 16 sportshy iriktelip, 1/16 fınalda saıysty. Jeńiske jetkender: Erbol Tapenov (Astana), Álı Seısıgúzel (Atyraý qalasy), Maqsat Ábdikerimov (Shymkent), Aıkórkem Batıhan (Astana), Dınara Jaqsylyqova (Astana), Ajar Tóleýqanova (Óskemen qalasy).