Sáıkestendirý belgileri joq polısıa kóliginiń salonynda avtomatty kameralar ornatyldy.
QR İİM Ákimshilik polısıa komıtetiniń tóraǵasy Qaısar Sultanbaevtyń aıtýynsha, qala syrtyndaǵy joldardy qamtý maqsatynda "jasyryn" patrúldeý engizilgen, dep habarlaıdy aqshamnews.kz
"Eldi mekenderdiń ishinde osy tektes kameralar avtobýstardyń salondarynda jáne jedel járdem kólikterine de ornatý josparlanyp otyr. Bul kólik júrgizý mádenıetin arttyrýǵa jáne jazanyń bultartpaýshylyq prınsıpin qamtamasyz etýge múmkindik beredi",- dedi resmı ókil.
Sondaı-aq, ol qazir mundaı kóliktiń 300-ge jýyq birligi bar ekenin atap ótti.
"Bir ekıpajdyń ónimdiligi 15 patrúldiń jumysymen sáıkes keledi. Qala syrtyndaǵy trassalarda qaýipsizdik máselelerin sheshý úshin patrúldik avtokólikter jol erejelerin buzýdy tirkeıtin borttyq júıelermen jabdyqtaldy. Qazirgi ýaqytta jasyryn patrúldeý rejıminde polısıanyń 11 avtokóligi jumys isteıdi, jyl sońyna deıin olardyń sanyn kóbeıtýdi josparlap otyrmyz",- dedi ol.