QR Ulttyq mýzeıinde tanymal brıtandyq músinshi Iýnýs Safardıardyń «Ekinshi órleý» atty kórmesi ótip jatyr.
Astanaǵa arnaıy kórme úshin Londonnan 2 tonna eksponat jetkizilgen. Onyń ishinde metal ınstallásıalar men músinder, kenep sýretter, beınepannolar bar, dep habarlaıdy aqshamnews.kz Mádenıet jáne aqparat mınıstrligine silteme jasap.
«Meniń shyǵarmashylyǵym — álemniń sheksiz transformasıasynyń kórinisi. Kórermen eski formalardyń joıylǵanyn, jańa formalardyń paıda bolyp, tipti erekshe dúnıege ulasyp jatqanyn kórse deımin», — deıdi kórme avtory.
Iýnýs Safardıar — Koróldik kórkemsýret akademıasynyń múshesi. Onyń kórmeleri men týyndylarynyń aýksıondary 1986 jyldan beri ótkizilip keledi. Músinshiniń shyǵarmalary Nú-Iork, London, Florıda, Sankt-Peterbýrg jáne basqa da qalalardaǵy mýzeıler men jeke koleksıalarda saqtaýly. Birneshe jumysy eń kóne aýksıondardyń biri Sotheby’s-te satylyp, al «Oıaný» atty músini Londondaǵy áıgili Regent’s Park-ke kórik berip tur.
Ulttyq mýzeıde kórmeni 3,5 myńnan astam adam tamashalaǵan. Ekspozısıa mýzeıdiń 5-qabatyndaǵy kórme zalynda usynylǵan. Kórme 2024 jyldyń 17 qarashasyna deıin jalǵasady.