29 jyl ishinde bilim salasy úshin 1058 maman shetelde daıarlandy
Almaty oblysy Jibek Joly aýylyndaǵy orta mekteptiń matematıka páninen muǵalimi Marjan Erjan «Bolashaq» baǵdarlamasymen AQSH-tyń doktorantýrasynda oqıtyn bolady. «Bolashaq» stıpendıaty Ońtústik Kalıfornıa ýnıversıtetinde bilim salasyndaǵy basqarýdy zertteıdi, dep habarlaıdy Almaty-akshamy.kz.
«Ata-anamnyń jolyn qýyp, ustaz bolsam degen arman paıda boldy. Aýyl mektebinde matematıkadan sabaq beremin, kópbalaly otbasydan balalarǵa aǵylshyn tilin tegin úıretemin. Ózim de aýyl mektebin bitirdim. Shetelde oqýǵa múmkindigim bolady dep oılamappyn. «Bolashaq» baǵdarlamasynyń arqasynda otandastarymyz álemniń úzdik joǵary oqý oryndarynda akademıalyq bilim alyp, ǵylymı dáreje alýǵa múmkindik aldy. AQSH-tyń doktorantýrasyn bitirgennen keıin elimizdiń bilim salasyn damytýǵa óz úlesimdi qosqym keledi», – dep atap ótti Marjan Erjan.
«Bolashaq» halyqaralyq stıpendıasy júzege asyrylyp kele jatqan 29 jyl ishinde bilim salasy úshin 1058 maman shetelde daıarlandy. Qazirgi tańda olar bastaýysh, orta, joǵary jáne joǵary oqý ornynan keıingi bilim berý uıymdarynda jumys isteıdi.
Esterińizge sala keteıik, osy jyldyń 14 qazanyna deıin «Bolashaq» baǵdarlamasymen akademıalyq oqý men taǵylymdamadan ótýge qujattar eGov.kz memlekettik qyzmetter portalynda qabyldanady.