Qańtar aıynda "Naıman" sporttyq karerasyn aıaqtaǵanyn málimdegen edi
Belgili faıter Qýat "Naıman" Hamıtov kelesi jekpe-jegin qashan ótkizetini belgili boldy, dep habarlaıdy Almaty-akshamy.kz Vesti.kz-ke silteme jasap.
Mergen Fighting Championship promoýterlik kompanıasynyń baspasóz qyzmeti habarlaǵandaı, Hamıtov 10 qyrkúıek kúni Atyraýda MFC3 týrnırinde oktagonǵa shyǵady. Keshtiń basty aıqasynda otandasymyz reseılik nokaýter Vasılıı Babınsevpen kúsh synasady.
Osyǵan deıin Qýat Hamıtov ýkraınalyq Zakı Fatýllazademen shyǵýy tıis bolǵan. Alaıda sońǵy sátte jekpe-jek ótpeıtin boldy.
Eske salaıyq, bıylǵy jyldyń qańtar aıynda "Naıman" sporttyq karerasyn aıaqtaǵanyn málimdegen edi.