Búgin Almaty ákimi Medeý aýdany turǵyndarymen kezdesti.
Onda aýdannyń ınjenerlik ıgfraqurylymyn jańǵyrtý máseleleri aıtyldy, dep habarlaıdy Almaty-akshamy.kz.
Bıyl Elebekov (300 m), Gornaıa (700 m), Batýrın (1500 m) men Begalın (1700 m) kóshelerindegi sý qubyry jelilerin rekonstrýksıalaý 50% oryndaldy jáne Ońdasynov kóshesindegi káriz jelilerin (1,2 km) rekonstrýksıalaý aıaqtaldy.
"Dýman" shaǵynaýdanynda 1800 kýb metrge 2 rezervýar men sorǵy stansıalaryn rekonstrýksıalaý jumystary jalǵasýda. Jumystardyń aıaqtalýy – 2023 jyldyń İİİ toqsany.
Kelesi jyldyń II toqsanynan bastap "Kólsaı" (2,8), "Sulýsaı" (16,9), "Kompot" (25), "Keńsaı" (14,2) shaǵynaýdandarynda (Shoqaı men Sársenbaev kósheleri) jáne Halıýllın kóshesinde (3,8) jalpy uzyndyǵy 62,7 km (sýmen jabdyqtaý – 25,8 km jáne káriz – 47,5 km) sý qubyry men káriz jelileriniń qurylysyn bastaý josparlanǵan.
Sonymen qatar, 2023 jyldyń II toqsanynda "Kamenskoe plato" shaǵynaýdanynda sýmen qamtý jáne sý burý jelilerin (28,9) salý jobasyn túzetýdi aıaqtaý kózdelgen (qurylys materıaldarynyń qymbattaýyna, taýly jer bederiniń eskerilmeýine jáne keı jerlerde ınjenerlik dálizdiń bolmaýyna baılanysty túzetý júrgizilýde).
Kelesi jyldyń İİ toqsanynda "Dýman" shaǵynaýdanynda (81 úı) sý qubyry men kanalızasıa jelilerin (14 km) salý úshin jobalaý-smetalyq qujattamany ázirleý aıaqtalady.