Bul týraly Almaty qalasynyń ákimi E.Dosaevtyń Medeý aýdanynyń turǵyndarymen kezdesýinde aıtty, dep habarlaıdy Almaty-akshamy.kz.
Bıylǵy jyly eki skverdi jańartý jumystary aıaqtalady, onyń ishinde Oqýshylar saraıy men Qazaqstan Respýblıkasy Memlekettik mýzeıiniń janyndaǵy skverler bar. Sýburqaqtar jańartylyp, jaryq pen shaǵyn sáýlettik nysandar ornatyldy. Kelesi jyly Memlekettik mýzeıdiń ońtústiginde Jýrnalıser alańyn, ondaǵy sýarý júıesin jańartý jumystaryn bastaý josparlanǵan.
Maýsymda ótken kezdesý barysynda "Alataý" shaǵynaýdanynda skeıt-park jasaý máselesi kóterildi. Jumystar Ibragımov kóshesindegi skverdiń qurylysy kezinde, ıaǵnı 2023 jyldyń II toqsanynda júrgiziledi.
Budan basqa, qazirgi ýaqytta «AlmatyBasJospar» jaýapkershiligi shekteýli seriktestiginiń jelisi boıynsha kósheler men qoǵamdyq keńistikti jańartýǵa qatysty birneshe joba pysyqtalýda. Pýshkın kóshesin, Dostyq dańǵylyn ál-Farabıge deıin, Qazybek bı kóshesin jáne t.b. kóshelerdi rekonstrýksıalaý josparlanyp otyr (taqtatas tóseý, kógaldandyrý, avtomatty sýarý, oryndyqtar, qoqys jáshikterin, jaryqtandyrý tirekterin, shaǵyn sáýlettik nysandar ornatý).