Almatyǵa Pfizer vaksınasynyń 10 myń dozasy jetkiziledi. Bul týraly qalalyq qoǵamdyq densaýlyq saqtaý basqarmasynyń baspasóz qyzmeti málim etti, dep habarlaıdy Almaty-akshamy.kz Inform.kz-ke silteme jasap.
Almaty qalalyq qoǵamdyq densaýlyq saqtaý basqarmasy taratqan málimetke sáıkes, 2021 jyldyń 1 aqpany men 2022 jylǵy 5 shilde aralyǵynda koronavırýs ınfeksıasyna qarsy ekpeniń birinshi dozasy 1 227 967 adamǵa egildi. Onyń ishinde vaksınanyń eki komponentin 1,1 mln astam adam alǵan. Revaksınasıadan 496 723 almatylyq ótti.
«5 shilde kúni 1 023 almatylyq vaksına saldyrdy. Qazir qalada 96 pýnkt jumys istep tur. 340 adamnan turatyn 103 ekpe brıgadasy bar. Qala halqyn koronavırýs ınfeksıasyna qarsy vaksınalaý úshin ekpe mólsheri jetkilikti . Atyraýdan Almatyǵa taǵy 10 myń doza Pfizer vaksınasy jetkiziledi», - dep naqtylady Almaty qalalyq qoǵamdyq densaýlyq saqtaý basqarmasynyń baspasóz qyzmeti.