«Taza Qazaqstan» respýblıkalyq ekologıalyq aksıasy aıasynda Almatyda alma aǵashy jappaı otyrǵyzyldy. Qalanyń ártúrli aýdanynda barlyǵy 8 myńnan astam kóshet egildi, dep habarlaıdy almaty-akshamy.kz.
Qoǵam qaıratkeri, fılologıa ǵylymdarynyń doktory Asyly Osman mundaı bastamalar ómirdiń barlyq salasynda ekologıalyq minez-qulyqtyń jańa úlgisin damytady dep sanaıdy.
«Bizdiń qala gúldenip, ózgere bersin, bárimiz ony qorǵaýymyz kerek. Jasyma qaramastan, búgin osy aksıaǵa qatysamyn, óıtkeni Almaty bireý, árkim óz úıine qamqorlyq jasaýy kerek», - dedi profesor.
Onyń pikirinshe, aǵash otyrǵyzý senbilikten aýqymy áldeqaıda úlken, óıtkeni mundaı is-sharalar biriktirýshi faktor bolyp tabylady.
Esterińizge sala keteıik, Almatyda «Taza Qazaqstan» respýblıkalyq aksıasy jáne «Almaty – bizdiń ortaq úıimiz» qalalyq naýqany aıasynda «Almaty – baq qala» jalpyqalalyq aksıasy ótti.
8 myńnan astam aǵash otyrǵyzyldy, onyń 4 myńnan astamy alma aǵashy. Sondaı-aq, «Qaraǵaıly ormany» saıabaǵynyń aýmaǵynda 500 alma jáne órik kósheti, «ALA» saıabaǵynyń aýmaǵynda 2270 kóshet jáne Boraldaı ózeniniń boıyndaǵy baqylaý alańynda 1000-ǵa jýyq kóshet otyrǵyzyldy.