«Taza Qazaqstan» respýblıkalyq ekologıalyq aksıasy aıasynda Almatyda «Almaty – baqsha qalasy» aksıasy aıasynda jappaı alma aǵashtaryn otyrǵyzý júrip jatyr. Sharaǵa qala turǵyndarymen birge megapolıs ákimi Erbolat Dosaev qatysty.
Aǵash otyrǵyzý úshin Almatynyń barlyq aýdandarynda arnaıy oryndar belgilendi. Shahar basshysy men qala turǵyndary BAK boıyndaǵy saıabaqqa 500 alma aǵashy men 500 órik otyrǵyzdy.
«Búgin biz «Almaty – bizdiń ortaq úıimiz» atty tamasha aksıamyzdy jalǵastyryp jatyrmyz. Sonyń aıasynda biz aǵash otyrǵyzyp jatyrmyz. Sharaǵa qalaǵa beı-jaı qaraı almaıtyn turǵyndar qatysyp jatyr. Biz de depýtattyq korpýs retinde keldik. Búgingi kúnniń ereksheligi sol, biz jemis aǵashtaryn otyrǵyzýdamyz. Biraz ýaqyttan keıin bizdiń qala óziniń aportymen, jemis-jıdekterimen tanymal bolyp, óziniń dańqyn qaıtarady», — dedi Almaty máslıhatynyń depýtaty Ásıa Aqanova.
Aksıaǵa Qorǵanys mınıstrliginiń sportshylary, estrada juldyzdary, túrli sport túrleriniń chempıondary, belgili qoǵam qaıratkerleri atsalysty.
«Biz SSKA sportshylarymyz. Almaty-bizdiń ortaq úıimiz. Almatynyń tazalyǵy-bizdiń densaýlyǵymyzdyń kepili",-deıdi Qorǵanys mınıstrligi Sport komıtetiniń oqý-jattyǵý ortalyǵynyń bastyǵy-SSKA (Almaty fılıaly) maıor Berden Aqpanbekov.
- Barlyǵy 8 205 jasyl jelek otyrǵyzyldy, sonyń ishinde 4 515 jemis, 1 090 japyraqty aǵash pen 2 600 buta.
- "ALA" saıabaǵynda alma baǵy paıda boldy. Qalanyń ár túkpirinde aýdan ákimdikteri alma aǵashtaryn otyrǵyzdy.
- Aǵashtardy otyrǵyzý kezinde eki jerden onlaın translásıa júrgizildi: ALA saıabaǵy men Qaraǵaı ormany.
- Megapolıste 8 sáýirde bastalǵan «Almaty – bizdiń ortaq úıimiz» naýqany jalǵasýda.