Túrkistan oblysynyń Saıram aýdanynda 19 jastaǵy qyz kólikten óli tabyldy, - dep habarlaıdy almaty-akshamy.kz Almaty.tv-ge silteme jasap.
Sol surapyl kúni qyzdy bolashaq jary jumystan alyp ketken. Olar bıyl úılenetin bolǵan. Qyzdyń denesin týystary kórshi aýyldan taýyp alǵan. Olardyń aıtýynsha, búkil denesi kógergen. Jábirlenýshiniń ústindegi keıbir kıimi joq bolǵan.
"Biz ony alty saǵat boıy izdedik. Qońyraý baryp turdy, biraq ol telefondy kótermedi. Ol ýlanǵan degen boljam bar. Biz úsh saraptama jasattyq. Olardyń ekeýinde ólim kómirqyshqyl gazynan ýlaný saldarynan bolǵan. Úshinshi saraptama qalaǵa jiberildi. Nátıjesi bir aptada daıyn bolýy kerek", – deıdi marqumnyń ákesi Danıar Qurbanalıev.
"Búkil denesi kógergen. Onyń qoly synǵan, mańdaıynda qulaǵan iz boldy. Murny da synǵan. Erni jarylyp, aýyzy qanǵa tolǵan. Ony zorlamaq bolǵan", - dedi marqumnyń týysy Malahat Qurbanalıeva.
Oblystyq Polısıa departamenti málimetinshe, asa aýyr qylmys jasady degen kúdikti ustalyp, ýaqytsha ustaý ızolátoryna qamaldy.
"Bul fakt boıynsha qylmystyq is qozǵaldy, barlyq qajetti saraptama taǵaıyndalǵan. Oqıǵanyń mán-jaıy anyqtalyp jatyr", - dep habarlady Túrkistan oblystyq Polısıa departamentiniń baspasóz qyzmeti.