Astana áýejaıynda polısıa qyzmetkerleri «Novosıbırsk – Astana» reısiniń jolaýshysyn ustady. 34 jastaǵy mas jolaýshy ishimdik iship, jan-jaǵyndaǵylardyń tynyshtyǵyn buzǵan. Sondyqtan da polısıa ony ákimshilik jaýapqa tartty, dep habarlaıdy aqshamnews.kz.
Jolaýshy ushaqta áýe kompanıasynyń qyzmetkerlerin qorlap, olardyń talaptaryna baǵynbaǵan.
Astana áýejaıyna kelgennen keıin quqyq qorǵaýshylar jolaýshyny ustap, ony Qazaqstan Respýblıkasynyń Ákimshilik quqyq buzýshylyqtar týraly kodeksiniń tórt baby boıynsha, sonyń ishinde usaq buzaqylyq pen áýe kemesinde tártip buzǵany úshin ákimshilik jaýapkershilikke tartty.
Áýe kóligindegi tártipti saqtaý mańyzdy, jáne mundaı jaǵdaılardan keıin zań boıynsha tıisti sharalar qabyldanady.