«QazMunaıGaz» Mańǵystaý oblysy Kendirli aımaǵynda teńiz sýyn tushytatyn zaýyt salyp jatyr, dep habarlaıdy aqshamnews.kz.
Jańa kásiporyn Jańaózen turǵyndaryn aýyz sýmen turaqty qamtamasyz etip, óńirde ónerkásipti damytýǵa múmkindikter ashady dep josparlanýda.
Zaýyt táýligine 50 myń tekshe metr sý shyǵarady dep kútilýde;
Injenerlik ınfraqurylym boıynsha jumystyń 75%-dan astamy oryndalǵan;
Jańaózen qalasyna deıin tushytylǵan sýdy jetkizetin magıstraldy sý qubyry (201 km) jáne elektr jelisin tartý (83 km) jumystary 90%-ǵa aıaqtalǵan;
40 km avtojol qurylysy, 46 km gaz qubyryn tartý jumystary júrgizilýde;
Qurylys jumystaryna 654 adam, 200-den astam qurylys tehnıkasy men mehanızmder (sonyń ishinde avtojol jáne teńiz túbin tereńdetý tehnıkasy) jumyldyrylǵan.