Atalǵan is boıynsha tekserý júrgizilýde.
Almaty garnızonynyń áskerı soty QR Parlamenti Májilisiniń depýtaty Dáýlet Turlyhanovtyń uly Nurasyl Bolatqa qatysty istiń mán-jaıyn túsindirdi, dep habarlaıdy aqshamnews.kz.
Vedomstvodan atap ótkendeı, Nurasyl Bolatqa qatysty sot aktisi onyń tirkelgen jeri boıynsha Astana qalasynyń qylmystyq-atqarý júıesiniń departamentine joldandy.
"Astana qalasynyń Baıqońyr aýdany boıynsha probasıa qyzmetiniń hatymen sottalýshynyń mekenjaıy úkimdegi turǵylyqty jerimen sáıkes kelmeýine baılanysty materıal oryndalmaı qaıtarylǵan. Osydan keıin, sot sottalýshynyń naqty turǵylyqty jerin anyqtaý boıynsha is-sharalar júrgizdi, óıtkeni onyń derekterin suraǵan kezde eki qalada ornalasqan eki mekenjaıy kórsetilgen. QR Áskerı sotynyń departamenti atalǵan is júrgizýdiń uzaqtyǵynyń sebepterin anyqtaý boıynsha tekserý júrgizýde",- dep atap ótti áskerı sottan.
Qazir is boıynsha sot aktisi sottalǵannyń Almaty jáne Astana qalalaryndaǵy turaqty jáne ýaqytsha tirkeý oryndary boıynsha probasıa qyzmetine jiberildi.
Aıta keteıik, buǵan deıin Májilis depýtaty Dáýlet Turlyhanovtyń bostandyǵy shektelgen uly Nurasyl Bolattyń túngi ýaqytta emin-erkin júrgen vıdeosy taraǵany týraly jazǵan bolatynbyz.