Aty-jónin ózgertý úshin HQKO-ǵa júginý qajet.
"Azamattarǵa arnalǵan úkimet" qandaı jaǵdaıda tegin, atyn nemese ákesiniń atyn aýystyrýǵa bolatynyn aıtty, dep habarlaıdy aqshamnews.kz
"Bul rette memlekettik qyzmet kórsetý úshin málimetterdi ózgertý úshin dáleldi sebepter bolýy qajet", delingen 2024 jylǵy 13 tamyzda "Azamattarǵa arnalǵan úkimettiń" Instagram-da jarıalanǵan habarlamasynda.
Aty-jónin ózgertýge ruqsat etiletin sebepter:
aty, ákesiniń aty, teginiń oǵash estilýi;
atyn, ákesiniń atyn, tegin aıtýda qıyndyqtar týyndaýy;
eger nekeni (erli-zaıyptylyqty) memlekettik tirkeý kezinde nekege deıingi tegi qalsa nemese nekeni memlekettik tirkegennen keıin jubaıy tegin basqasyna aýystyrsa, jubaıymen ortaq tekte bolǵysy kelgen jubaıynyń tilegi;
burynǵy nekeden (erli-zaıyptylyqtan) týǵan balalarymen ortaq tekte bolǵysy kelýi;
eger nekeni (erli-zaıyptylyqty) buzý kezinde bul týraly málimdelmese, nekege deıingi tegin alǵysy kelýi;
ótinish berýshi tańdaǵan ata-analarynyń biriniń ultyna (ata-anasynyń ár túrli ulty kezinde) sáıkes keletin atty jáne (nemese) tekti alǵysy kelýi;
jubaıy qaıtys bolǵan jaǵdaıda nekege deıingi tegin alǵysy kelýi;
qujattardaǵy atynan ózgeshe, ómirde naqty qalyptasqan atyn alǵysy kelýi;
jubaıy qaıtys bolǵan jaǵdaıda jáne eger ótinish berýshi nekege deıingi teginde bolǵanda, balalarymen ortaq tekte bolǵysy kelýi;
ulttyq dástúr boıynsha ákesiniń nemese atasynyń aty boıynsha tekte bolǵysy kelýi;
eger nekege otyrǵan kezde jubaıynyń tegi qabyldansa, nekege deıingi tegin alǵysy kelýi;
ótinish berýshini is júzinde tárbıelegen adamnyń tegi men aty boıynsha tekti jáne (nemese) ákesiniń atyn alǵysy kelýi;
jynysy hırýrgıalyq jolmen ózgergen kezde tańdalǵan jynysqa sáıkes keletin esimdi, ákesiniń atyn, tegin alǵysy kelýi.
"Qandaı da bir ózgerister bolǵan jaǵdaıda jańa qujattardy daıyndaýǵa ótinish berý qajet", -dep tolyqtyrdy Memlekettik korporasıa.