Prezıdent Jarlyǵymen qyzmetten ketti.
Memleket basshysynyń Jarlyǵymen Asqat Qanatuly Aımaǵambetov Qazaqstan Respýblıkasynyń Oqý-aǵartý mınıstri laýazymynan bosatyldy, dep habaralaıdy Almaty-akshamy.kz Aqordanyń baspasóz qyzmetine silteme jasap.
Asqat Aımaǵambetov 2003 jyly E. Bóketov atyndaǵy QarMÝ tarıh fakúltetin «tarıhshy, tarıh muǵalimi» biliktiligi boıynsha támamdaǵan.
2006 jyly Qaraǵandy «Bolashaq» aktýaldy bilim berý ınstıtýtynyń zań fakúltetin «quqyqtaný» mamandyǵy boıynsha aıaqtaǵan.
Eńbek jolyn 2002 jyly E. Bóketov atyndaǵy QarMÝ-den bastaǵan, 2004–2005 jyldary «Ańsar» jastar lıgasy» QB tóraǵasy bolǵan, 2005–2006 jyldary «MEDIA SP» JSHS dırektory, 2006–2012 jyldary QarMÝ saıasattaný jáne áleýmettaný kafedrasynyń oqytýshysy, aǵa oqytýshysy, dosenti retinde qyzmet atqarǵan.
2012–2014 jyldary Nura aýdany ákiminiń áleýmettik máseleler jónindegi orynbasary qyzmetin atqarǵan.
2014 jylǵy aqpan aıynan bastap 2017 jylǵy tamyzǵa deıin — Qaraǵandy oblysy bilim berý basqarmasynyń basshysy laýazymyn atqarǵan.
2017 jylǵy tamyzdan bastap 2019 jylǵy qańtarǵa deıin QR Bilim jáne ǵylym vıse-mınıstri qyzmetin atqarǵan.
2003–2012 jyldar aralyǵynda Qaraǵandy qalalyq máslıhatynyń III jáne IV shaqyrylymdarynyń depýtaty, qala máslıhatynyń áleýmettik máseleler boıynsha turaqty komısıasynyń tóraǵasy bolyp saılanǵan.
2019 jylǵy maýsymnan bastap 2022 jylǵy maýsymǵa deıin Qazaqstan Respýblıkasynyń Bilim jáne ǵylym mınıstri qyzmetin atqarǵan.
2022 jylǵy 11 maýsymnan bastap Prezıdent Jarlyǵymen Oqý-aǵartý mınıstri bolyp taǵaıyndaldy.