Albanıa astanasy Tıranda 23 jasqa deıingi jastar arasynda ótken kúresten álem chempıonaty aıaqtaldy.
67 kelige deıingi salmaqta el namysyn qorǵaǵan armıa sportshysy Sultan Ásetuly qarsylastaryna des bermeı, altynnan alqa taǵyndy, dep habarlaıdy Almaty-akshamy.kz.
QR Qorǵanys mınıstrligi saıtynyń aqparatyna saı, aqtyq synda ol túrik sportshysy Mustafa Iyldyrymdy 2:1 esebimen utqan.
«Grek-rım kúresinen bizdiń sportshylar álem chempıonatynda jaqsy nátıje kórsetti. Maqsatymyz da osy týrnırde jeńiske jetý bolatyn. Oǵan qol jetkizdik. Sultan sportshyǵa tán minez ben myqtylyǵy bar kásipqoı ekenin dáleldedi», – dedi balýannyń jattyqtyrýshysy Marat Qýatov.
Qazaqstan komandasynyń qorjynyna kúmis júldeni 55 kelige deıingi salmaqta Isqar Qurbaev saldy. Sońǵy kezdesýde ol grýzın balýany Georgıı Tokhadzege ese jiberdi.
Aıta ketý kerek, Sultan Ásetuly – 23 jasqa deıingi sanattaǵylar ishinde álem chempıony atanǵan alǵashqy qazaqstandyq balýan.