Áıgili fýtbolshy Maradonanyń ólimine qatysty 7 aıyptalýshy sot aldynda jaýap berdi, dep habarlaıdy almaty-akshamy.kz «Habar 24»-ke silteme jasap.
Eger olardyń sportshynyń qazasyna kináli ekeni dáleledense, 25 jylǵa deıin bas bostandyǵynan aıyrylýy múmkin.
Eske sla keteıik, Dıego Maradona bir jyl buryn qaıtys bolǵan. Marqumnyń ólimine ókpeniń qatty isinýinen júreginiń qysylýy sebep dep tabylǵan. Oǵan deıin Maradona mıynda uıyǵan qandy alý úshin operasıa jasatyp, ishimdikke táýeldilikten emdelgen bolatyn. Biraq sportshynyń óliminen keıin dárigerlerdiń kýáliginde qarama-qaıshylyqtar shyǵyp, ony emdegen qyzmetkerler kúdikke ilingen. Olardyń arasynda neırohırýrg pen psıhıatr, 2 psıholog jáne birneshe meıirbıke bar.