Ahan BIJANOV, Almaty qalasy ardagerler keńesiniń tóraǵasy:
– Árbir saılaýdyń orny men ýaqyty bolady. Búgingi saılaýdyń da mańyzy zor. Azamattar belsendilik tanytyp, óziniń quqyǵyn paıdalanyp, tańmen talasa saılaý ýchaskelerine barýda. Men jańa ǵana saılaý ýchaskeme baryp, óz tańdaýymdy jasadym. Bir qýantarlyǵy, daýys berýge kelgenderdiń deni – jastar. Bala-shaǵasymen, otbasymen kelip daýys berýde. Árıne, bizdiń ardagerler de bul naýqannan tys qalǵan joq. Olar da saılaýǵa belsene qatysady. Jastarǵa úlgi kórsetip, ertemen óz ýchaskelerine baryp, daýys berdi. Jalpy, saılaýdyń abyroımen ótetinine eshqandaı kúmán joq. Onyń kepili – urpaqtar sabaqtastyǵy, ulttyq sana-sezimi. Almatylyqtar saılaýǵa túgel at salyssa eken deımin.