Myrzaǵalı Aıtjanov qyzmetinen bosatyldy.
Qazaqstan Boks federasıasynda Parıj Olımpıadasynyń qorytyndysy boıynsha keńes ótti, dep habarlaıdy aqshamnews.kz.
Uıymnyń habarlaýynsha, bokstan erler komandasynyń bapkerlik quramy tolyǵymen jumystan shettetilgen.
Qazaqstan boks federasıasynyń sheshimi Dene shynyqtyrý jáne sport isteri boıynsha komıtetimen maquldandy.
«Osylaısha, kelesi ózgerister jaıynda habarlaımyz:
1. Bas jattyqtyrýshy Myrzaǵalı Aıtjanov jáne bapkerlik quramdaǵy 10 maman, QBF vıse-prezıdenti Azız Qojambetov qyzmetten bosatyldy.
2. Qazaqstannyń eńbek sińirgen jattyqtyrýshysy Tursynǵalı Edilov Qazaqstan boks federasıasy prezıdentiniń keńesshisi qyzmetine taǵaıyndaldy.
Jańa bapkerlik quram keıinirek tanystyrylady», — dep jazdy federasıadan.
Esterińizge sala keteıik, birer kún buryn Qazaqstan erler ulttyq quramasynyń Parıjdegi Olımpıada oıyndaryndaǵy tómen nátıjesine baılanysty quramanyń jattyqtyrýshylar shtabynyń birneshe múshesi qyzmetinen bosatylǵany týraly aqparat áleýmettik jelilerde jarıalanǵanyn habarlaǵan bolatynbyz. Ol kezde boks federasıasy bul aqparattyń shyndyqqa janaspaıtynyn málimdegen edi.