Қазақстан ерлер ұлттық құрамасының Париждегі Олимпиада ойындарындағы төмен нәтижесіне байланысты құраманың жаттықтырушылар штабының бірнеше мүшесі қызметінен босатылғаны туралы ақпарат әлеуметтік желілерде жарияланды.
Мәліметке сәйкес, қызметінен босатылғандар арасында Қазақстан бокс федерациясының вице-президенті Әзиз Қожамбетов, бас бапкер Мырзағали Айтжанов, аға жаттықтырушы Марат Жакиев және жаттықтырушылар – Нүркен Андасов, Нұржан Насанов, Ғани Әшкеев, Ермек Ертаев, Талғатбек Жақпеков, Зәкір Сафиулин, Азамат Мақажанов, Жәміл Жүсіп; жаттықтырушы-кеңесші – Донатас Янусевичус бар.
Көп ұзамай Қазақстан бокс федерациясы әзірге ешкімді жұмыстан шығарған жоқпыз деп жауап берді.
«Бұл ақпарат шындыққа жанаспайды. Әзірге ешкімді жұмыстан шығарған жоқпыз. Өзгерістер болады. Бұл жөнінде ресми хабарлаймыз», - деп жазды Қазақстан бокс федерациясы.