Oqý jyly qarsańynda stýdentterdi tasymaldaýǵa arnalǵan qosymsha vagondar jolǵa shyǵady.
Bul jumys "Jolaýshylar tasymaly" aksıonerlik qoǵamymen birlese júrgiziledi.
Jańa oqý jyly qarsańynda Batys óńirleri turǵyndarynyń suranysyna sáıkes qosymsha marshrýttardy iske qosý týraly sheshim qabyldandy. Poıyzdar Aqtaý jáne Atyraý qalalarynan shyǵyp, Almaty qalasyna deıin stýdentterdi tasymaldaıdy, dep habarlaıdy aqshamnews.kz Kólik mınıstrligine silteme jasap.
Kondısıonerleri qarastyrylǵan jańa vagondar jazǵy ýaqytta elimizdiń aýmaǵy boıynsha basqa baǵyttarǵa qatynaıdy, sol sebepti joǵaryda atalǵan vagondarda kondısıoner júıesi bolmaıdy. Temirjol jáne sý kóligi komıteti jas jolaýshylardan qolaısyzdyqtar úshin aldyn-ala keshirim suraıdy.
Marshrýttarǵa naqty toqtalsaq:
Aqtaý-Almaty baǵytynda qosymsha 360 jolaýshyǵa arnalǵan 8 jolaýshy vagony qatynaıdy.
Bul baǵyttaǵy vagon 21 tamyz kúni Aqtaýdan shyǵyp, 23 tamyz kúni Almatyǵa jetedi.
Atyraý-Almaty baǵytyna temirjolshylar qosymsha 3 vagon qosady. Bul vagondar 540 jolaýshyǵa arnalǵan. Atyraý-Almaty baǵytynda poıyzdar 16,18,20,22 tamyzda qatynaıdy.
Stýdentter Aqtaý jáne Atyraý qalalarynyń vokzaldarynan temirjol bıletterin satyp ala alady.
Stýdentterdiń ótinishterine sáıkes Kólik mınıstrligi qosymsha vagondar qoıýǵa daıyn.
Esterińizge sala keteıik, bıyl jańa vagondar parki 140 birlikke jańartylady. Kelesi jyly taǵy 226 jańa vagon keledi. Vagondar parkin jańartý jumystary jalǵasýda.