Marqum kórinbeı ketken, oǵan qosa páteriniń aldynda shottar jınalyp qalǵan
Aqtaýda áıeldiń máıiti páterde bir jyl jatqan, dep habarlaıdy Almaty-akshamy.kz Tengrinews.kz saıtyna silteme jasap.
InAktau saıtynyń málimetinshe, 4 yqshamaýdany 20 úıdegi páterderdiń birinen áıel óli tabyldy. Máıit úıde bir jyl jatqan.
Ony kórshisi baıqap, dabyl qaqty. Áıeldiń sózinshe, marqum kórinbeı ketken, oǵan qosa páteriniń aldynda shottar jınalyp qalǵan.
«Jeldi kúnderi ıis keletin, biraq jertóleden shyǵyp jatqan shyǵar dep oıladym. Sosyn bir kúni oıyma ol kisi COVID-19 tolqyny kezinde qaıtys bolýy múmkin degen oı keldi. Meniń bilýimshe, Aqtaýda onyń týystary joq, sondyqtan eshkim izdemeıdi. Men mundaı jaǵdaılar týraly BAQ-ta oqyǵan edim. Ol páter aqysyn ótken jyldyń naýryzynda sońǵy ret tólegenin anyqtadym. Nátıjesinde polısıa kelip, páterdi ashty, ol jatyn bólmesinde tósekte jatty. Bir jylda denesi tolyq shirip ketken dese bolady. Týystaryn áleýmettik jeliler arqyly taptyq, búgin jerleý rásimi ótti», - dedi úı turǵyny.
Oblystyq polısıa departamenti áıeldiń tabylǵany týraly habar osy jyldyń 15 sáýirinde túskenin habarlady.
«Zorlyq-zombylyq belgileri joq áıeldiń máıiti tabyldy. Shaqyrýǵa jedel-tergeý toby shyqty. Sot-medısınalyq saraptama taǵaıyndaldy», - dedi olar.