Prezıdent Qasym-Jomart Toqaev 25 jeltoqsanda Aqtaý mańynda Azerbaijan Airlines ushaǵy apatqa ushyraǵannan keıin zardap shekkenderdi qutqarýda erlik pen kásibılik tanytqan azamattardy memlekettik nagradalarmen marapattady, dep habarlaıdy aqshamnews.kz
Memlekettik nagradalar:
- İİ dárejeli «Aıbyn» ordeni:
- Aıbek Álibaev (Mańǵystaý oblysy Polısıa departamentiniń krımınalısi).
- İİİ dárejeli «Aıbyn» ordeni:
- Serikbolat Ońǵar (TJD Basqudyq aýyly №12 órt sóndirý bóliminiń komandıri).
- «Qurmet» ordeni:
- Baqytjan Qoıbekov (Mańǵystaý oblystyq kópsalaly aýrýhanasynyń ortalyq meńgerýshisi),
- Irına Kochergına (Aqtaý halyqaralyq áýejaıynyń medısınalyq beketiniń meńgerýshisi).
«Erligi úshin» medali:
- Tımýr Qısaev (jedel járdem feldsheri),
- Ospan Orazbekov (Apattar medısınasy ortalyǵynyń dárigeri),
- Iaroslav Tolstıkov («Qazaeronavıgasıa» dıspecheri),
- Nuraly Shopanov («Mańǵystaý óńirlik elektrotoraptyq kompanıasy» sheberi).
«Eren eńbegi úshin» medali:
- Bekbolat Jumaǵulov (Aqtaý áýejaıy qyzmet bastyǵynyń orynbasary),
- Eldar Orazalıev (Ádilet mınıstrligi Sot saraptamalary ortalyǵynyń mamany).
Sonymen qatar, 51 adamǵa Prezıdenttiń Alǵysy jarıalandy.
Bul marapattar apat saldaryn joıý kezinde erekshe qajyrlylyq pen erlik tanytqan azamattardyń eńbegin moıyndaýdyń belgisi boldy.