Қазақстан Президенті Қасым-Жомарт Тоқаев Маңғыстау облысында апатқа ұшыраған Әзербайжанның Azal әуе компаниясының ұшағындағы жолаушыларды құтқару кезінде ерлік, кәсіби шеберлік және жоғары азаматтық жауапкершілік танытқан азаматтарды марапаттады, деп хабарлайды aqshamnews.kz
Марапатталғандардың қатарында:
- Төтенше жағдайлар министрлігінің қызметкерлері,
- Дәрігерлер мен медицина мамандары,
- Полиция қызметкерлері,
- Маңғыстау өңірлік электр желілік компаниясының жұмысшылары,
- Ақтау халықаралық әуежайының қызметкерлері бар.
Президент олардың батылдығы мен жанқиярлығын жоғары бағалап, ел игілігі үшін жасаған еңбектері ерекше құрметке лайық екенін атап өтті.