2024 jyly QR PİB Medısınalyq ortalyǵy aýrýhanasynyń Iadrolyq medısına ortalyǵy úsh ınovasıalyq radıofarmpreparatty óndiriske engizdi. Bul týraly ortalyq basshysy, medısına ǵylymdarynyń doktory Aıgúl Sádýaqasova málimdedi, dep habarlaıdy aqshamnews.kz
Radıoızotoptyq zertteýler sany 40%-ǵa artyp, 12 myńnan astam taldaý júrgizildi. Qazaqstanda alǵash ret 18F-FDG, 18FAT, 68GA-API preparattary óndirildi. Bul dáriler onkologıalyq aýrýlardy erte anyqtaýǵa múmkindik berip, aǵzadaǵy qaterli isik jasýshalaryn, mı, baýyr, ókpe jáne basqa da múshelerdegi isikterdi dál dıagnostıkalaýǵa kómektesedi.
Preparattar pasıentter úshin qaýipsiz, sebebi olar deneden tez shyǵady jáne naqty aqparat beredi. Bul onkologtarǵa naýqastyń jaǵdaıyn dálirek baǵalaýǵa múmkindik beredi.
2025 jyly taǵy eki jańa preparat – 18F-PSMA jáne 68Ga-PSMA óndiriske engiziledi. Bul tehnologıalar erler arasyndaǵy onkologıalyq aýrýlarmen kúresýde mańyzdy ról atqarady.
2022 jyly ashylǵan ortalyq Qazaqstanda ıadrolyq medısınanyń damýyna serpin berip, jańa dıagnostıkalyq jáne emdeý ádisterin engizýde.