AQSH-ta zańsyz júrgen qazaqtarǵa elge qaıtý úshin 1 myń dollardan beriledi, dep habarlaıdy aqshamnews.kz
Syrtqy ister mınıstriniń orynbasary Álibek Qýantyrov qazaqstandyqtardy AQSH-tan deportasıalaýǵa qatysty mán-jaıdy aıtty.
Onyń sózinshe, qazaqstandyqtar shetelde zańsyz júrse bul olardyń jaýapkershiligi.
"Tıisti aqparat berildi, ol eki tarapta da jarıalandy. AQSH tarapy elde erkin júrýge qatysty ózgeris jasady. Óz erkimen ketetinderdiń jolyn tóleıdi. Jańa baǵdarlama boıynsha myń dollar kóleminde ótemaqy beredi. Al sanǵa qarasaq, jaqynda 19 azamat óz erkimen keldi. Bul óte az. Basqa elderge qaraǵanda az. Sebebi bizdiń azamattar ol aımaqta zańdy túrde júr. Konsýldyq esepte 3,7 myń azamat esepte tur", deıdi Qýantyrov.
Eske salaıyq, buǵan deıin Qazaqstannyń AQSH-taǵy elshiligi elde zańsyz júrgen adamdarǵa úndeý jasaǵan bolatyn.
Elshilik málimetinshe, AQSH ishki qaýipsizdik mınıstrligi elde zańsyz júrgen azamattar úshin óz erkimen qaıtýǵa múmkindik beretin jańa baǵdarlama qabyldaǵanyna nazar aýdarǵan.
Bul baǵdarlama aıasynda óz erkimen qaıtam deýshilerge qaıtý bıleti tolyq tólenip, elge jetken soń 1000 AQSH doll. kóleminde qarjy bólý qarastyrylǵan.
Ol úshin CBP Home mobıldi qosymshasy arqyly ótinish berý qajet.
AQSH ishki qaýipsizdik mınıstri Krıstı Noem bul baǵdarlamaǵa qatysty pikir bildirgen.